Wuurt det kers met vanille-ies of andere smake, of ein kersgebeure euver eine ieswitte Kers?
Nao ‘De Zeve Hemele’ (2017), ‘Kers Op De Taart’ (2018), ‘Kers beej ’t Zwaantje’(2019) noow dan ‘Kers met ies’.
Wuurt det kers met vanille-ies of andere smake, of ein kersgebeure euver eine ieswitte Kers? Det kinse dich netuurlik blieve aafvraoge, maar de kins auk ein kaertje koupe en kómme kieke. Laot dich auk dit jaor verrasse op eine houp kerswazel en kwats. Det doon weej ouk! Geej as intelligent pebliek heb ’t vas al in de smieze, weej zien d’r klaor veur, ’t ies is gebraoke. Noow dan maar haope det weej d’r neet met zien alle doorhaer zakke! Wae wet…
Wie dan auk, weej zeen ós.
De Zeve Hemele 2022: Willem Gerats, René Oostdam, Edwin Tusveld & Fred van den Bogaard
Teks & meziek (bewerking): René Oostdam & Fred van den Bogaard i.s.m. Willem Gerads & Edwin Tusveld
