In De Maaspoort is tiédes de Vastelaovend genôg te belaeve veur jônk en ald!
PROGRAM
Zaoterdaag 18 fibberwarie
Zaoterdaag ontvange weej de sponsoren van de L1 Brand Beer Boétegewoeëne Boétezitting.
Zondaag 19 fibberwarie
Aansloétend aan de Kinderoptoch vind d‘r in de Jocus Hoonderstal (De Maaspoort) ein muzikale happening plaats veur de ganse femilie, aevel veural veur de jeug. Naeve bekinde artieste en bands oét de regio krieg de jeug volop kans um eur talente op Jocus’ buun te vertuuëne. Oéteraard zal de Stadsprins mit zien gevolg ouk mit zien jeugdige ônderdane de vastelaovend kômme viere.
Maondaag 20 fibberwarie
Tiedes d'n optoch kint geej in os foyer en de Bistro lekker werm nao den optoch kieke. Nao d'n optoch, vanaaf 15:00 aor wies 21:30 aor is d'r in de zaal live-meziék van de Herfshane Band, Appelemoos, Kristel en Roel, Good Geluimp en joekskepèl Neet Um aan Te Huùre en waere de priéze oetgereikt van de optoch. Op de foyer dreijt El Martino.
Dinsdaag 21 fibberwarie
Vastelaovesdinsdaag begint op passende wiés mit de Kôffietuiterie van 10:30 wies 11:30 oor in De Maaspoort! Danao kinse vanaaf 15:00 oor tot un eurke of 20:00 terech veur unne joeksige aafsloeting van d’n Vastelaovend!
ALGEMEINE INFORMASIE
Toilette
Tiédes de Vastelaovend kint gee gebroek make van os schoene toilette, hee mosse 't volgende veur lappe (kinder tot 12 jaor veur nop, kinder jonger dan 8 onder toezich):
Zondaag wies dinsdaag | € 0,50 veur ein kier OF veur € 1,50 of half Maaspoortmuntje kriegse ein polsbendje veur de ganse daag
Muntverkaup
Aete en drinke kinse betalen met Maaspoortmunte en Venlonaerkes. Weej verkaupe gen Venlonaerkes, geej kint dageliks Maaspoort munte kaupe beej De Maaspoort.
Bolderkerre
Bolderkerre kint geej binne in De Maaspoort parkiere links in de hal naeve de moor.
Blage
Elders met kinder én kinderwages zien mièr as welkom.
Lekker aete
In Bistro de Luif is d'r van alles te bikke zoë desse gen honger hoofs te lieje en wat kins aete op 't vuuske. De keuke is de ganse daag aope.
Eupeningstieje kassa
De theaterkassa is geslaote van zaoterdaag 18 fibberwarie wies as woensdaag 22 fibberwarie. Och vraoge via de chat en mail waere wal beantwoord.
Wilt ge keertjes bestellen veur ein veurstelling? Dan kin dit op os website via www.maaspoort.nl.